Unha visita ao Museo con Paula Tilve: arqueoloxía, violíns e cerámica

O Museo de Pontevedra conserva e exhibe unha ampla colección de arte, arqueoloxía, historia e etnografía. Hoxe adentrámonos nos edificios Castelao e Sarmiento guiados por Paula Tilve, responsable de públicos, actividades educativas e culturais. Durante a visita guiada, descubrimos que as salas de arqueoloxía son unhas das máis solicitadas polo público e que o violinista pontevedrés Manuel Quiroga ten unha sala monográfica adicada para el e a súa obra. Ademais, viaxamos a Oriente na dedicada á porcelana chinesa e outras pezas de cerámica oriental.