O concello de Pontecaldelas aposta polas casas indianas para promocionar o turismo

O concello de Pontecaldelas aposta por potenciar as casas indianas e pon en marcha un proxecto de creación dun roteiro que permita descubrir este patrimonio histórico. Aínda que, trátase dunha iniciativa que irá superando fases; de momento, foron xa sinalizadas cinco vivendas con especial protección.

A previsión é proseguir nos próximos meses incluíndo todos os inmobles deste tipo no municipio, tanto no centro urbano como nas parroquias. O proxecto está a ser comandado polo arqueólogo Alberte Reboreda.

Conversamos co alcalde de Pontecaldelas, Andrés Diaz, sobre as novidades na promoción turística e o programa de 'Caldelas Tapas'.