Cargando...
Gadis reuniu máis de 150.000 quilos de produtos de alimentación básicos na súa 12ª campaña Mayo Solidario grazas á solidariedade dos seus clientes. Unha edición na que a propia compañía aumentou a súa contribución ata os 30.000 quilos para facer fronte aos desafíos actuais dos bancos de alimentos. Aliviar a situación de vulnerabilidade que atravesan miles de familias de Galicia e Castela e León é o fin desta axuda, á que hai que sumar os 49.873 € doados polos clientes desde o 2 de maio ata o 1 de xuño, datas durante as que estivo en marcha a acción en 201 puntos de venda de ambas comunidades autónomas.
Os Banco de Alimentos da Coruña, Ferrol, Santiago (Balrial), Lugo, Ourense, Vigo, Ávila, León, Palencia, Ponferrada, Salamanca, Valladolid e Zamora serán os encargados de xestionar a repartición dos alimentos e a recadación económica a través das asociacións e ONG coas que colaboran de maneira habitual. Unha axuda que chegará a máis de 100.000 persoas que o necesitan.
Gadis valorou a solidariedade que sempre mostran os seus clientes, especialmente con Mayo Solidario, a presenza de voluntarios nos puntos de venda para captar máis doazóns, así como a implicación de todo o equipo humano.
Doce anos de compromiso solidario
O compromiso coa economía, as persoas e o planeta define os obxectivos marcados no programa de Responsabilidade Social Corporativa, cun protagonismo destacado das iniciativas de carácter solidario, liderado dende hai doce anos por Mayo Solidario. En todo este tempo entregáronse máis de 1,65 millóns de quilos de alimentos e máis de 225.000 euros.