1 de abril de 2025
Pontevedra |
A cidade de Pontevedra recibirá un novo premio internacional por ser un exemplo de transformación, de modelo urbano e de seguridade viaria”. Entre o 8 e o 10 de abril celébrase, en San José (Costa Rica), o IV Congreso Internacional de Paisaxe Urbana ICOUL San José 2025.
No marco deste evento, a capital será recoñecida coa concesión do III Premio Internacional “A cidade é a xente” - Memorial Eusebio Leal Spengler.
No evento participará como relator o concelleiro de Infraestruturas de Pontevedra, Cesareo Mosquera, e asistirá en representación do Concello, para recoller o premio, a tenente de alcalde, Eva Vilaverde.
Este mesmo recoñecemento tamén foi concedido, en edicións anteriores, a cidades de notable peso en Sudamérica como é o caso de Rosario (Arxentina) ou Sao Paulo (Brasil).
Este congreso, denominado International Congress on Urban Landscape (ICOUL), celébrase desde 2017 en distintas urbes iberoamericanas e está organizado, nesta ocasión, pola Escola de Arquitectos da Universidade de San José, capital de Costa Rica.