Poio acolle o acto central do Día da Galiza Mártir

O 17 de agosto de 1936 o político galeguista Alexandre Bóveda foi asasinado polo bando sublevado na Guerra Civil; por iso este día foi escollido como Día da Galiza Mártir. Pontevedra e Poio, lugar onde foi asasinado o intelectual galego, acollen os actos centrais; malia que tamén hai outros eventos convocados en varios puntos da xeografía galega. Todos eles con presenza de representación política como a portavoz nacional do BNG, Ana Pontón, o histórico nacionalista Xosé Manuel Beiras ou o presidente do PP de Pontevedra, Rafa Domínguez, entre outros.