A Xunta dota o Concello de San Cibrao da Viñas dun espazo de Workout

O secretario xeral para o Deporte, José Ramón Lete Lasa, acompañado polo delegado territorial da Xunta na provincia, Gabriel Alén e mais o alcalde de San Cibrao das Viñas, Manuel Pedro Fernández, visitou o ximnasio de Pontenoalla no que se vén de levar a cabo a obra da zona deportiva exterior, por importe de preto de 50.000 euros (48.212,57 euros), dos que a Xunta investiu o 80% (38.570,06 euros)

Máis polo miúdo, a zona deportiva exterior dispón dunha zona de saltos, dous elementos de workout, e tres calles de atletismo de 21,60 m de lonxitude, dispostos sobre unha soleira de formigón, previamente elaborada, con pavimento de caucho continuo nos espazos de caída dos dous elementos de workout e pintura deportiva no resto dos espazos e finalmente delimitado por un valo metálico de grella pintado en cor azul.

Os elementos de ximnasia dispostos a tenor da obra foron, por unha banda, un primeiro módulo composto por un banco de abdominais, unha barra horizontal a 1,25 metros de altura, tres barras paralelas, un xogo de espaldeiros, unha barra de dominadas e unha escada vertical. Por outra banda, o segundo módulo componse por tres barras horizontais a 1,25 metros, outras tres barras horizontais a 1,50 metros, tres barras paralelas, unha escada horizontal, un xogo dobre de espaldeiros e unha barra de dominadas. Ademais tamén se instalou un conxunto de salto composto por cinco barras horizontais paralelas a unha altura de 60 centímetros e cunha equidistancia de dous metros.