Gonzalo Castro: "Os aeroportos galegos teñen que estar unidos e ser capaces de gañar a batalla dos vóos internacionais frente a Porto"

Tocan tempos de cambio da estratexia das rutas nos tres concellos galegos que teñen aeroportos. Da competencia recente por conseguir ou quitar rutas ó veciño, agora toca unirse e coordinarse diante de dous importantes competidores. O aeroporto Sa Carneiro, de Porto. E a chegada do AVE.

Porto xa é un serio competidor. E o AVE, cando chegue as tres cidades anteriormente citadas. Así o deixou claro o concelleiro de Promoción Económica do Concello da Coruña, Gonzalo Castro, quen recoñeceu que xa houbo unha xuntanza, haberá máis e logo tocará sentarse coa Xunta de Galicia para planificar unha estratexia común.

Gonzalo Castro apuntou cifras preocupantes para os aeroportos galegos, con relación ós vóos internacionais. O Sa Carneiro multiplicou por dous nos últimos dez anos o número de pasaxeiros. Entre 2014 e 2023 pasou dos 3.4 millóns a máis de 7 millóns, dos que moitas son galegas e galegos.